ARTISTAS QUE NOS INSPIRAN. NANCY HOLT

 

Nancy Holt criouse en Nova Jersey e graduouse en bioloxía antes de mudarse a Nova York. O seu traballo é pioneiro no afán de facer coincidir varias disciplinas artísticas, coma a escultura, a arquitectura e os medios de comunicación e todo isto tendo como base o tempo, destacando a capacidade que ten esta peculiar artista para transformar a nosa percepción da paisaxe a través de diferentes modos de observación.  

Frecuentemente asociada co movemento Land Art, Holt produciu proxectos ambiciosos acoplando formas elementais con ideas conceptuais en lugares de todo o mundo. 

O Land Art, pola súa banda, é unha corrente de arte contemporánea na que a paisaxe e a obra de arte están estreitamente enlazadas, empregando a natureza como material. 

Finlandia, 1987

A súa obra máis coñecida, Sun Tunnels, instalada no deserto de Utah, mostra como a través do círculo se captura o sol en determinadas épocas do ano, así como a sombra que provoca.